15-16-уми март дар шаҳри Тайани Ҷумҳурии Мардумии Чин мусобиқаи интихобии олимпӣ оид ба таеквондо дар қораи Осиё доир мегардад.
Федератсияи таеквондо WT-и Тоҷикистон ҳайати Тоҷикистонро иборат аз 3 варзишгар – Муҳаммадҷон Суннатов (-68кг), Моҳру Ҳалимова (-67кг) ва Мунира Абдусаломова (+67кг) – ба Чин сафарбар намуд.
Варзишгарон дар ҳашт вазн – 4 вазн миёни мардҳо, 4 вазн миёни бонувон – барои ба даст овардани роҳхат ба Бозиҳои олимпии Париж-2024 талош мекунанд. Тибқи низомнома дар ҳамаи вазнҳо ду роҳхат дода мешавад. Яъне варзишгароне, ки ба финал мебароянд, имкони ширкат дар Бозиҳои олимпиро пайдо мекунанд.
Манбаъ: Варзиш-ТВ
Нет комментариев