Духтурони чинӣ бомуваффақият дар дасти бемор гӯши сунъиро сабзониданд. Амалиёти ҷарроҳие, ки дар беморхонаи назиди Донишгоҳи Джао Тонг дар Сиан (музофоти Шэнси) бо роҳбарии духтур Го Шучжуна (Guo Shuzhong) гузаронида мешавад, ҳоло ба марҳилаи ниҳоӣ нарасидааст.
Бемор ҷаноби Тсзи якчанд сол пеш ба садамаи нақлиётӣ дучор шуда, гӯши росташро аз даст додааст. Ба ғайр аз ин боз як қисми рӯйи бемор маъюбу баднамуд шуда буд ва ӯ аллакай барои барқарор намудани пӯст якчанд амалиёти ҷарроҳии пластикиро низ аз сар гузаронидааст. Вале бовуҷуди ин бо роҳи тибби анъанавӣ барқарор намудани гӯш имконнопазир гардид ва Тсзи ба духтур Шучжуну муроҷиат кард.
Духтур қарор дод, ки дар се зина амлиёти ҷарроҳӣ гузаронад. Аввал ба қисми пеши китфи Тсзи васеъкунандаи пӯст шинонида шуд. Дуюм табибон аз қабурғаи бемор бофтаро гирифта, аз он шакли гӯши ояндаро тартиб доданд ва ба банди дасти бемор шинониданд.
Сеюм зинаи амалиёти ҷарроҳӣ ин ба сар шинонидани гӯши сунъӣ бо роҳи пайваст намудани рагҳо мебошад, ки ҳоло гузаронида нашудааст. Аз рӯйи нақшаи Шучжун, ин қисмати амалиёти ҷарроҳӣ тақрибан баъди се-чор моҳ гузаронида мешавад.
Нет комментариев