Нақшаи даъвати тирамоҳии ҷавонон ба сафҳои Қувваҳои мусаллаҳи Ҷумҳурии Тоҷикистон дар вилояти Суғд ба андозаи 92,2 фоиз иҷро шуд. То имрӯз шаҳру ноҳияҳои Зафаробод, Шаҳристон, Спитамен, Ҷаббор Расулов, Мастчоҳ, Айнӣ, Ашт, Бӯстон, Гулистон, Деваштич, Истиқлол ва Кӯҳистони Мастчоҳ нақшаи даъватро пурра иҷро намуданд. Дар шаҳрҳои Истаравшан, Панҷакент, Конибодом, Исфара, Хуҷанд ва ноҳияи Бобоҷон Ғафуров даъват ва сафарбарии ҷавонон ба хизмати ҳарбӣ идома дорад. Бояд гуфт, ки даъвати ҷавонон ба хизмати ҳарбӣ дар асоси Фармони Президенти Ҷумҳурии Тоҷикистон “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1990 – 1999 Ҷумҳурии Тоҷикистон ба хизмати ҳарбӣ” сурат мегирад.
Манбаъ: сомонаи расмии МИҲД-и вилояти Суғд
Нет комментариев