Қаҳрамони UFC Конор Макгрегор мехоҳад, ки дубора бо муштзани машҳӯри амрикоӣ Флойд Мейвезер вориди муҳориба шавад. Мусобиқа шояд аз рӯи қоидаҳои ММА баргузор гардад. Ёдовар мешавем, ки тобистони имсол ҳарду варзишгар вориди ринг шуда буданд, ки дар ин рақобати сол муштзани амрикоӣ Мейвезер бо нокаути техникӣ дастболо гардида буд. Хотиррасон мекунем, ки дар рақобат бо Макгрегор Мейвезер 350 миллион доллар даромад дида буд. Ин ғалабаи 50-уми Мейвезер дар корномаи варзишиаш ба шумор мерафт. Макгрегор бошад, аз 24 рақобати ММА дар 21 тояш ғолиб шуда ва дар 3 — тои дигар мағлуб гардидааст. Бояд қайд кард, ки то ҳол замон ва макони баргузории сабқати мазкур муайян нагардидааст.
Манбаъ:сомонаи расмии телевизион «Варзиш»
Нет комментариев