Дар шаҳри Душанбе бо мақсади танзими ҳаракати нақлиёт ва пешгирии танбашавӣ дар роҳҳо 17 гузаргоҳи пиёдагард аз байн бардошта шуд. Дар ин хусус АМИТ «Ховар» бо истинод ба Вазорати нақлиёти Ҷумҳурии Тоҷикистон хабар медиҳад.
Тибқи иттилои Раёсати Вазорати корҳои дохилии Ҷумҳурии Тоҷикистон дар шаҳри Душанбе, ин гузаргоҳҳо ба ҳам наздик буда, ба қобилияти гузариши роҳҳои автомобилгард таъсири манфӣ мерасонданд. Санҷиши мутахассисон нишон дод, ки ҷойгиршавии гузаргоҳҳо ба меъёрҳои муқарраршуда мувофиқат намекунад.
Бо супориши роҳбарияти Мақомоти иҷроияи ҳокимияти давлатии шаҳри Душанбе мутахассисон ин гузаргоҳҳоро аз байн бардоштанд.
Корҳо дар доираи барномаи беҳтар кардани инфрасохтори нақлиётии шаҳр, ки барои ронандагон ва пиёдагардон шароити бехатар ва бароҳатро фароҳам меорад, идома хоҳанд ёфт.
Манбаъ: АМИТ «Ховар»
Нет комментариев