Дар шаш моҳи соли равон ба соҳаҳои иқтисодии ҷумҳурӣ зиёда аз 18,6 млрд сомонӣ равона гардидааст. Дар ин хусус ба АМИТ «Ховар дар Вазорати молияи Ҷумҳурии Тоҷикистон иттилоъ доданд.
Хароҷоти буҷети давлатӣ дар ин давра дар доираи нақшаи пешбинигардида ва даромадҳои воқеии буҷет амалӣ шуда, аз ҷумла ба соҳаҳои ҳокимият ва идоракунии давлатӣ 913 млн сомонӣ, маориф 3,1 млрд сомонӣ, тандурустӣ 1,4 млрд сомонӣ, суғуртаи иҷтимоӣ ва ҳифзи иҷтимоӣ 2,1 млрд сомонӣ, хоҷагии манзилию коммуналӣ 964,3 млн сомонӣ, фарҳанг ва варзиш 585,9 млн сомонӣ, комплекси сӯзишворию энергетикӣ 3,1 млрд сомонӣ, кишоварзӣ 883,3 млн сомонӣ, сохтмон ва саноат 128,8 млн сомонӣ, нақлиёт ва коммуникатсия 1,7 млрд сомонӣ равона гардид.
Хусусияти иҷтимоии буҷет чун солҳои қаблӣ нигоҳ дошта шуда, барои маблағгузории соҳаҳои иҷтимоӣ бо дарназардошти хароҷоти соҳаи хоҷагии манзилию коммуналӣ 8,2 млрд сомонӣ равона гардид, ки 44,3 фоизи ҳаҷми умумии хароҷоти буҷети давлатиро ташкил медиҳад.
Манбаъ: АМИТ «Ховар»
Нет комментариев