Олимони финӣ, финҷон (чашка)-и қаҳванӯшии Muki-ро ихтироъ карданд, ки ба воситаи он метавон вориди интернет гашт ва аз он истифода кард. Дар ин бора newsru.com хабар медиҳад. Ба гуфтаи яке аз муаллифони ихтироъ, аз ширкати қаҳваи Paulig, дар таҷҳизоти нав технологияи муосир истифода шудааст.

Финҷон бо дисплей ва модули Bluetooth, ки ба воситаи он метавон ба смартфон бипайвандад, муҷаҳҳаз аст. Экран аз ҳисоби қувваи гармдиҳӣ, яъне вақте ба финҷон оби гарм мерезанд, рӯшан мешавад, – менависад ИТАР-ТАСС дар такя ба Finlandsite.

Bluetooth имкон медиҳад, дар экрани финҷон ҳама гуна аксҳо-аксҳои худ, паёмаки дӯстон, қайдҳои дигарон, расм ва дигар чизҳоро аз интернет бубинед. Ғайр аз ин, баъд аз пайваст шудан ба смартфон, дар экрани финҷон ҳарорати қаҳваро санҷидан мумкин, ки оё хунук аст ва ё гарм.

“Мо ба истифодабарандагон тарзи истифодабарии финҷонро нишон намедиҳем. Зеро феълан вай дар ҳоли коркард аст, – қайд кард Карри Кауппила,  роҳбари қисми маркетинг ва алоқаи ширкати Paulig.

Гуфта мешавад, функсияҳои ин ихтироъ дар оянда тағйир меёбад.

Манбаъ: matrix-tv.tj