Санаи 23-юми декабри соли 2016, ба Шӯъбаи ВКД дар ноҳияи Б.Ғафуров, аризаи марди 31-солаи сокини ҷамоати деҳоти Ёваи ҳамин ноҳия дар он хусус ворид гардид, ки соли 2014, марди 55-солаи сокини ҷамоати деҳоти мазкур, бо роҳи фиреб ба бовариаш даромада, аз ӯ 28 ҳазору 774 доллари амрикоиро гирифта, то ҳол барнагардонидааст.
Ҳамчунин, 23-юми декабри соли 2016, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки марди 33-солаи сокини шаҳри Хуҷанд, 25-уми августи соли 2013, ба боварии марди 48-солаи сокини ҳамин шаҳр даромада, аз ӯ 40 ҳазор доллари амрикоиро гирифта, то ҳол барнагардонидааст.
Ҳамчунин муайян гардид, ки номбурда, санаи 17-уми июни соли 2016, бо роҳи фиреб ба бовариии марди 35-солаи сокини шаҳри Истиқлол даромада, аз ӯ 22 ҳазору 500-сомониро гирифта, то ҳол барнагардонидааст.
Аз рӯи далелҳои мазкур парвандаҳои ҷиноятӣ оғоз гардида, корҳои тафтишотӣ дар ин самт идома доранд.
Манбаъ: www.mvd.tj
Нет комментариев