Бо қарори раиси шаҳри Хуҷанд барои хизматҳои шоиста, фаъолияти пурсамари меҳнатию ташкилотчигӣ дар ҳаёти ҷамъиятию сиёсӣ, илм ва маориф, тарбияи ҷавонон дар руҳияи ватандӯстию ватанпарастӣ ва иштироки фаъолона дар ҳаёти ҷамъиятии шаҳр чанд нафар «Шаҳрванди фахрии шаҳри Хуҷанд» баргузида шуданд.

Тавре аз мақомоти маҳаллӣ дар Хуҷанд иттилоъ доданд, ходими ҳизбӣ ва давлатӣ Ҳасанов Олимҷон Толибҷонович, олим ва мураббӣ Назаров Абдушукур Абдураҳимович, ходими давлатӣ ва сиёсӣ Қурбонов Юсуф Ҳоҷибоевич муҳақиқ ва муаррихи шинохта Турсунов Назирҷон Очилович ва ходими давлатию ҳизбӣ Ҳасанова Шуҷоат Ҳасановна ба гирифтани чунин унвон сазовор дониста шуданд.

Лозим ба ёдоварист,ки унвони ифтихории «Шаҳрванди фахрии шаҳри Хуҷанд»  барои шахсони собиқадори  соҳаҳои мухталиф, ки дар пешрафт, ободӣ ва рушди маркази вилоят саҳми арзанда доранд, дода мешавад.

Дар ин бора sugd.tj хабар медиҳад.