Муовини якуми Вазири корҳои хориҷии Ҷумҳурии Тоҷикистон Исматулло Насредин сафири Иёлоти Муттаҳидаи Амрико дар Ҷумҳурии Тоҷикистон Мануэл Микаллерро ба ҳузур пазируфт. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот вазъи кунунӣ ва дурнамои муносибатҳои дуҷониба, бахусус таҳкими муколамаи сиёсӣ, рушди ҳамкории Тоҷикистон ва Иёлоти Муттаҳидаи Амрико дар бахшҳои иқтисодиву иҷтимоӣ, сармоягузорӣ ва гуманитарӣ, шарикии амниятӣ, инчунин пешбурди робитаҳо дар қолаби «Осиёи Марказӣ ва Иёлоти Муттаҳидаи Амрико» («С5+1») ва дигар масъалаҳои мавриди таваҷҷуҳи тарафайн баррасӣ гардид.
Манбаъ: АМИТ «Ховар»
Нет комментариев