Роҳбарияти Мақомоти иҷроияи ҳокимияти давлатии вилояти Суғд бо баргузории ҷаласа ба гурӯҳи эҷодие, ки дар таҳияи барномаи идонаи “Корвони наврӯзӣ” саҳмгузорӣ карданд, изҳори сипос намуд.
Ин ҷаласа таҳти раёсати муовини Раиси вилоят Назира Ғаффорӣ дар маҷлисгоҳи хурди Мақомоти иҷроияи ҳокимияти давлатии вилоят баргузор шуд. Назира Ғаффорӣ зимни сӯҳбат барои саҳми арзанда ва дар сатҳи баланд гузаронидани барномаи идонаи “Корвони наврӯзӣ”, ки дар таърихи 25 соли соҳибистиқлолии Тоҷикистон бори нахуст баргузор шуд, ба омодакунандагони чорабинӣ аз номи роҳбарияти вилоят изҳори сипос намуд.
Сипас барои саҳми арзанда ба 33 нафар фаъолон сипосномаҳо ва ба 20 нафар мукофотпулиҳо супорида шуданд.
Дар фарҷоми ҷаласа саркоргардони барнома Обид Назаров, саррассом Акбар Маҳмудов ва сарбалетмейстер Шаҳло Ҷалилова аз номи ҳайати эҷодӣ барои таваҷҷӯҳ ба роҳбарияти вилоят изҳори сипос намуданд.
Манбаъ: http://sugd.tj/index.php/tj/
Нет комментариев