Сокини шаҳри Исфара Абдусабур Мадалиев ба иқдоми наҷибе даст зад. Ӯ хатнасури набераашро бо як тарзи ибратомӯз гузаронид.
Абдусабур Мадалиев 25 кило биринҷро барои хатнасури наберааш омода карда, деги ошро бо тамоми анвои рӯйи дастархони тӯйӣ ба беморхонаи касалиҳои рӯҳии вилоятӣ, воқеъ дар ҷамоати деҳоти Лаккон бурд. Барои табобатгирандагони ин ҷо воқеан як ҷаҳон шодиву нишот бахшид.
Обидбой Аҳмадов, мудири бахши дин, танзими анъана ва ҷашну маросимҳои мақомоти иҷроияи ҳокимияти давлатии шаҳр мегӯяд, он коре, ки Абдусабур Мадалиев анҷом дод, дар ҳақиқат беҳтарин хайроту садақа ва намунаи олии саховатмандист.
Бояд гуфт, ин бори аввал аст, бо чунин усули ғайримаъмулӣ хатнасур доир карда мешавад.
Манбаъ: Хадамоти матбуоти Раиси вилояти Суғд
Нет комментариев