Бахшида ба 35-солагии Истиқлоли давлатии Ҷумҳурии Тоҷикистон дар шаҳри Хуҷанд сохтмони бинои иловагии Гимназияи №1 идома дорад. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Хуҷанд хабар доданд.
Бо назардошти зиёд гардидани шумораи хонандагон зарурати бунёди бинои иловагӣ дар назди Гимназияи №1 ба миён омад.
Дар муассисаи таълимӣ дар ду баст зиёда аз 3100 хонанда ба таълиму тарбия фаро гирифта шуда, ба онҳо 102 омӯзгор дарс медиҳад.
Дар нақшаи бинои иловагӣ тамоми шароиту имконият, аз ҷумла утоқҳои барҳавои таълимӣ, синфхонаҳои фаннӣ, ошхона ва толори варзишӣ барои 2000 хонанда пешбинӣ шудааст.
Дар нуҳ моҳи соли равон дар шаҳри Хуҷанд 4 иншооти соҳаи маориф сохта, ба истифода дода шуд.
Дар ин давра дар вилояти Суғд 52 иншооти соҳаи маориф бо 7975 ҷои нишаст мавриди истифода қарор гирифтааст.
Манбаъ: АМИТ Ховар
Нет комментариев