Санаи 14 феврал Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода бо фаъолияти занону духтарон дар иншооти бузурги аср — Неругоҳи барқи обии «Роғун» аз наздик шинос шуд. Дар ин хусус АМИТ «Ховар» бо истинод ба Кумитаи кор бо занон ва оилаи ҷумҳурӣ хабар медиҳад.
Дар вохӯрӣ иброз гардид, ки ин иншооти бузурги аср бо талош ва кӯшишҳои хастагинопазири Президенти Тоҷикистон, Пешвои миллат муҳтарам Эмомалӣ Раҳмон мамлакатро марҳила ба марҳила ба истиқлолияти энергетикӣ ноил мегардонад.
Раиси Кумитаи кор бо занон ва оила бо ҷараёни корҳои сохтмонӣ шинос гардида, дар утоқҳои корие, ки занон чун мутахассис ва ташхисгари масолеҳи сохтмонӣ фаъолияти меҳнатӣ доранд, бо онҳо мулоқоти судманд анҷом дод.
Манбаъ: АМИТ «Ховар»
Нет комментариев