Дар китобхонаи Некрасови шаҳри Маскав довталабони дорои таҳсилоти омӯзгорӣ, давраҳои омӯзиши ройгони забони русӣ ва англисиро барои муҳоҷирони корӣ аз 13 декабр оғоз кардаанд.
Дар Маскав барои муҳоҷирони корӣ давраҳои омӯзишии ройгон роҳандозӣ шудааст.
Давраҳои омӯзишӣ аз 13-уми декабр оғоз шуда ва ҳар ҳафта рӯзҳои чоршанбе дар китобхонаи Некрасов баргузор мешавад.
Рӯзи аввали омӯзиш 15 шогирд аз Қирғизистон, Узбакистон, Чин, Тоҷикистон ва Камерун ширкат доштанд.
Евгания Иванова — довталабе, ки дорои таҳсилоти олии омӯзгорӣ аст, барои ҳозирон дарси инглисӣ баргузор кард. Вай афзуд, метавонад бо ҳар шогирди курс ҷудогона машқ кунад ва мувофиқи дониши довталаб омӯзиш диҳад.
«Дар назар дорем, ки давраҳои омӯзиширо то моҳи июл идома диҳем. Аммо имкон дорем, ки муддати онро дарозтар ҳам кунем», — афзуд вай.
Дарсҳо аз соати 20:00 то соати 22:00 давом меёбанд. Хоҳишмандон метавонанд ҳар чоршанбе ба китобхонаи Некрасови Маска, соати 20:00 ҳозир шаванд. Курси омузишӣ куллан ройгон аст.
Манбаъ: http://sputnik-tj.com/migration/20171214/1024172107.html
Нет комментариев