Бо мақсади қадршиносӣ аз ҷасорату мардонагии иштирокчиёни Ҷанги Бузурги Ватании солҳои 1941-1945, посдории хотираи шаҳидон ва тарбияи ҷавонон дар рӯҳияи ватандӯстӣ санаи 9 май дар қаламрави вилоят Рӯзи Ғалаба дар ҶБВ ботантана таҷлил карда мешавад.
Дар ин бора қарори Раиси вилояти Суғд Раҷаббой Аҳмадзода аз 20 апрели соли 2018, № 152 ба тасвиб расид.
Дар доираи нақшаи чорабиниҳои тасдиқшуда бахшида ба Рӯзи Ғалаба гузаронидани Ҳафтаи поси хотир, аёдати иштирокчиёну маъюбони ҶБВ ва ҳамсарони саробонашон дар ҷанг ҳалокгардида, мулоқоту вохӯриҳо бо иштирокчиёни ҶБВ, ташкили посбонҳои фахрӣ дар пояи муҷассамаю ёдгориҳои шаҳидони ҶБВ ва дигар чорабиниҳо ба нақша гирифта шудааст.
Манбаъ: Хадамоти матбуоти Раиси вилояти Суғд
Нет комментариев