30 январи соли равон бахшида ба 70 — солагии профессор Усмонҷон Ғаффоров дар шаҳри Хуҷанд конфронси илмӣ доир мегардад.

Тавре ки дар ин бора аз хадамоти матбуоти раиси вилояти Суғд хабар доданд, конфронси илмӣ таҳти унвони «Профессор Усмонҷон Ғаффоров — муаррих, адиб, публитсист ва арбоби намоёни ҷамъиятӣ» баргузор гардида, дар он оид ба ҳаёт ва фаъолияти мавсуф гузоришҳо ироа мегарданд.

Профессор Усмонҷон Ғаффоров барои хизматҳои шоиста соли 1999 бо унвони Корманди шоистаи Тоҷикистон мукофотонида шудааст. Мавсуф Аълочии маорифи Ҷумҳурии Тоҷикистон, Аълочии фарҳанги Ҷумҳурии Тоҷикистон буда, барандаи Ҷоизаи ба номи академик Бобоҷон Ғафуров дар риштаи илм аст. Ӯ аз соли 1997 узви Иттифоқи журналистони Тоҷикистон ва аз соли 2001 аъзои Иттифоқи нависандагони Тоҷикистон аст.

Дар ин бора www.pressa.tj  хабар медиҳад.