Дар хоҷагиҳои деҳқонии «Пискокат»-и Ҷамоати деҳоти Ашт ва «Рахшона»-и Ҷамоати деҳоти Ифтихори ноҳияи Ашт кишти пахта оғоз гардид.
Тибқи иттилои Дафтари матбуоти раиси ноҳияи Ашт роҳбарияти ноҳия зимни боздид аз ин хоҷагиҳо бо пахтакорон суҳбат намуда, барои рӯёнидани ҳосили баланд ва истифодаи самараноки замин тавсияҳо дод. Ба иттилои манбаъ дар ноҳия 900 тонна чигит зихира гардидааст, ки соли равон дар майдони 6 ҳазор гектар кишт карда мешавад.
Маврид ба зикр аст, ки хоҷагиҳои пахтакори ноҳия соли гузашта дар майдони 5408 гектар пахта кишт намуда, беш аз 9 ҳазор тонна пахта истеҳсол намуда буданд.
Манбаъ: Хадамоти матбуоти Раиси вилояти Суғд
Нет комментариев