Нахуди сабзи консервшуда боллазат ва бениҳоят фоидаовар аст. Дар таркиби он витаминҳои В1, В2, В6, С ва дигар микроэлементҳо мавҷуд аст. Ин мавод сатҳи холестеринро паст карда, инсонро аз касалии саратонэмин нигаҳ медорад.
Дар хуришҳои идона бояд танҳо нахуди навсабз истифода бурда шавад. Инро мо тавассути санаи тайёршавии нахуди сабзи консервшуда фаҳмида метавонем. Маводи босифат бояд аз ҳосили баҳорӣ ё тобистона тайёр шавад ва санаи истеҳсоли он дар зарфаш инъикос гардад. Дар он ҳатман санаҳои баҳорӣ ё тобистона буданаш қайд шуда бошад. Агар санаҳои тирамоҳӣ ё зимистона бошад, ин аз он шаҳодат медиҳад, ки истеҳсолкунанда нахуди хушкро истифода бурдааст. Ин хел мавод одатан пастсифат мешавад.
Ба таркиби нахуди сабзи консервшудаи босифат танҳо нахуд, об, намак ва шакар медарояд. Зарфи консервшудаи босифат бояд на кам аз 70 фоиз бо нахуд пур бошад. Аз ҳамин сабаб маводи дар зарфи шишагӣ бударо интихоб кунед, то ки ҳиллаи истеҳсолкунандагонро ошкор намояд. Дар қуттиҳои металӣ донаҳои шикаста, пўсти ҷудошудаи нахуд ва обаки хирашударо ошкор намудан душвор аст.
Ба обаки нахуди сабзи консервшуда аҳмият диҳед. Агар он хира бошад, донед ки, крахмали нахуд ба об гузашта, сифати маводро паст кардааст. Аз зарфи шишагӣ соф будани обаки нахуд ва миқдори нахудро дидан мумкин аст.
Дар хотир доред, ки сифати хуриши тайёркардаатон аз маводҳои босифати харидорӣ кардаи Шумо вобаста аст.
Нет комментариев