Дар ширхоргоҳ кӯдакистони №36-и шаҳри Хуҷанд озмуни шаҳрии «Ровиёни беҳтарин» бахшида ба Рӯзи Президенти Ҷумҳурии Тоҷикистон ва ҷашни Парчами миллӣ баргузор гардид, ки дар он 29 нафар тарбиятгарони муассисаҳои томактабӣ ширкат варзиданд. Озмун аз рӯи шартҳои: муаррифии иштирокчиён ва қироати шеъру таронаҳо аз ашъори шоираҳои халқи тоҷик Гулчеҳра Сулаймонӣ ва Озод Аминзода гузаронида шуд. Ҳайати ҳакамон ба қироати шеър, ҳунару истеъдоди наврасон баҳои арзанда ва воқеӣ доданд. Дар натиҷа ғолибият насиби Мирзомаҷид Ҳомидов аз кӯдакистони №33 гардид. Шоҳҷоизаи озмун ба тарбиятгирандаи муассисаи томактабии №18 Шукрона Ӯрунова муносиб дониста шуд. Мақоми дуввумро Фирдавс Холиқов аз кӯдакистони №36 ва Даврон Саидов аз кӯдакистони №9 мушарраф гаштанд.
Ҷойи сеюм насиби Хиромон Валиева (кӯдакистони «Роҳнамо»), Аниса Ғаниева (МТТ №13) ва Нафиса Холиқова (МТТ №12) гардид. Дар вазъияти тантанавӣ аз номи шуъбаи маорифи шаҳри Хуҷанд ба ғолибон медал, диплом ва туҳфаҳои хотиравӣ тақдим карда шуд.
Манбаъ: khujand.tj
Нет комментариев