22 апрел Вазири корҳои хориҷии Ҷумҳурии Ӯзбекистон Абдулазиз Камилов Сафири Фавқулода ва Мухтори Ҷумҳурии Тоҷикистон Содиқ Имомиро ба муносибати анҷом ёфтани маъмурияти дипломатиаш дар Тошканд ба ҳузур пазируфт. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Абдулазиз Камилов ба саҳми шахсии Сафир дар рушди пайдарпайи ҳамкории созандаи ду кишвар баҳои баланд дод.
Зимни суҳбат масъалаҳои мубрами густариши муносибатҳои дӯстӣ, ҳамсоягии нек ва шарикии стратегӣ, инчунин ҷанбаҳои амалии татбиқи созишномаҳои дар доираи сафарҳои сатҳи баланд бадастомада баррасӣ шуданд.
С.Имомӣ дар навбати худ барои кумаки ҳамаҷониба дар фаъолияти ӯ ба ҳайси роҳбари намояндагии дипломатии Тоҷикистон дар Ӯзбекистон изҳори сипос намуд.
Манбаъ: АМИТ «Ховар»
Нет комментариев