Луис Энрике метавонад мураббигии мунтахаби Бразилияро ба зимма гирад.
Чӣ тавре Diario Sport хабар медиҳад, имрӯз Конфедератсияи футболи Бразилия (CBF) кори худро дар самти ҷустуҷӯи вориси Тите шурӯъ мекунад, нафаре,ки вазифаи сармураббигии мунтахаби ”пентакампеонҳо”-ро баъди ҶҶ -2022 тарк намуда буд.
Энрике бошад номзади асосӣ ба ин вазифа дониста мешавад. Варианти таъинкунии ӯ дар қиёс ба даъваткунии Жозе Моуринйо ё Карло Анчелотти қулайтарин дониста мешавад.
Сарраввал президенти CBF дар ин вазифа Пеп Гвардиоларо дидан мехост, аммо мутахассиси испанӣ намехоҳад «Манчестер Сити»-ро тарк намояд.
Номзадии Энрикеро бошад дар конфедератсия баланд арзёбӣ мекунанд – ба шарофати маснади мураббигияш дар мунтахаби Испания ва «Барселона». Ҳамчунин CBF аз оне қаноатманд аст, ки ин мутахассис ба бозиҳо бозигарони ҷавонро хуб ҷалб карда метавонад.
Манбаъ: Варзиш-ТВ
Нет комментариев