Дар шаҳри Конибодом корҳои таъмиру тармим ва омодабошӣ ба соли нави таҳсил дар мактабҳо ба сомон расида, бо кӯмаки мақомоти маҳаллӣ ва ҳам бо дастгирии молиявии соҳибкорон якчанд дабистонҳо аз таъмири хушсифат бароварда шуд.
Чуноне аз мақомоти иҷроияи маҳаллӣ хабар доданд, 4 синфхонаи мактаби рақами 16 аз таъмир бароварда шудааст. Инчунин панҷарабандии муассисаи таҳсилоти миёнаи умумии №4, тунукапӯш намудани боми кӯдакистони №15, сохтмони толори варзишии мактаби хусусии ба номи Очил Ҷӯраев ва ғайраҳо ба сомон расонида шудааст, ва муассисаҳои соҳаи маориф ба соли хониш омодаанд.
Зимнан, дар Конибодом 72 муассисаҳои таълимии умумиву томактабӣ фаъолият мебаранд, ки аз онҳо 56 мактаб ва 20 адад муассисаҳои томактабӣ мебошад. Шумораи умумии хонандагон 31 ҳазору 744 нафарро ташкил дода, ба онҳо 2488 нафар омӯзгорон дарс медиҳанд. Дар кӯдакистонҳои шаҳр бошад, 3 738 нафар тифлакон бо таълиму тарбия фаро гирифта шуда, 129 нафар мураббияҳо тарбиятгари кӯдаконанд.
Дар ин бора http://sugd.tj/tj/navidi-sugd/5195-konibodom.html
Нет комментариев