Дар доираи бозиҳои даври 4-уми Ҷоми КФО-2018 дар гурӯҳи «D» рӯзи гузашта дастаи футболи «Истиқлол»-и Тоҷикистон дар сафар бо дастаи футболи «Алай»-и Қирғизистон қувваозмоӣ намуда, бо ҳисоби 3 бар 2 ғолиб омад.
Дидори мазкур дар варзишгоҳи ба номи «Аҳматбек Суюмбоев»-и шаҳри Ош сурат гирифта, бо ҳисоби 2:3 бо пирӯзии меҳмонон хотима ёфт. Голҳоро дар ҳайати дастаи «Истиқлол» Фатҳулло Фатҳуллоев, Ромиш Ҷалилов, Дилшод Восиев ва дар ҳайати дастаи «Алай» Улуғбек Рисқулов ва Алия Сила ба сомон расонданд.
Ёдовар мешавем, ки баъди ин пирӯзӣ дастаи «Истиқлол» соҳиби 3 имтиёзи гашта, мавқеи худро дар садри ҷадвал устувор намуд.
Манбаъ: Сомонаи расмии АМИТ «Ховар»
Нет комментариев