Аз 18 то 22 феврали соли ҷорӣ бори аввал ширкатҳои истеҳсолии Тоҷикистон ҷиҳати муаррифии маҳсулоти ватанӣ дар бузургтарин намоишгоҳи хӯрокаи “Gulf Food”, ки дар Дубай баргузор гашт, иштирок намуданд. Тавре аз Палатаи савдо ва саноти вилоят хабар доданд, дар намоишгоҳи мазкур ширкатҳои «Исфара Фуд», «Оро Исфара», «Apricot & Company» ва «Тоҷик Продукт», ки дар самти коркард ва бусту банди меваҳои тару тоза ва хушкмеваҳо фаъолият доранд, иштирок намуданд. Қобили қайд аст, ки “Gulf Food” бузургтарин намоишгоҳ дар минтақа маҳсуб ёфта, дар он зиёда аз 5000 намоишгар аз 120 давлати дунё маводҳои ғизоиро ба намоиш мегузоранд. Иштироки ширктаҳои тоҷикистонӣ дар чорабинии мазкур имконият хоҳад дод, ки ҳаҷми содироти маҳсулоти ватанӣ зиёд гардад.
Манбаъ: сомонаи расмии МИҲД-и вилояти Суғд
Нет комментариев