Тими миллии Тоҷикистон барои анҷом додани бозии дӯстона бо дастаи Қазоқистон ба шаҳри Нур-султон, ки рӯзи сешанбе, 16 ноябр дар варзишгоҳи “Остона-Арена” бозӣ баргузор мешавад, фуруд омаданд.
Бозӣ соати 19:00 бо вақти маҳаллӣ ва соати 18:00 ба вақти Душанбе оғоз меёбад. Дар ин бора дафтари матбуотии Федератсияи Футболи Тоҷикистон хабар медиҳад.
Ба бозии дӯстонаи дарпешистода сармураббии муваққати тими миллии Тоҷикистон Мубин Эргашев 21 бозигар, аз ҷумла ҳашт легионерро овард.
Ҳайати тими миллии Тоҷикистонро дар шаҳри Нур-Султон дар меҳмонхонаи Park Inn By Radisson истиқбол карданд.
Имшаб дастаи мо дар варзишгоҳи «Остона-Арена» тамрини пеш аз бозӣ мегузаронад.
Манбаъ: Аз рӯйи маводи «Sugdnews.com»
Нет комментариев