Сармураббии дастаи “ПСЖ” Луис Энрике дар бораи пирӯзӣ дар бозии аввали даври нимниҳоии Лигаи Чемпионҳо муқобили тими “Арсенал”-и шаҳри Лондон ибрози ақида кард. Вохӯрӣ дар варзишгоҳи “Эмирейтс”-и шаҳри Лондон баргузор шуда, бо ҳисоби 0 бар 1 ба суди “ПСЖ” хотима ёфт.
«Дар чунин вохӯриҳо эҳсосот дар сатҳи баланд қарор дорад ва аз ин рӯ таҳлил кардан душвор аст. Фазои олӣ, аммо мо нишон додем, ки чӣ гуна даста ҳастем. Мо рӯҳияи дастаҷамъӣ нишон додем. Дар “ПСЖ” будан хеле хуш аст.
Мо кӯшиш кардем, ки услуби худро бозӣ кунем ва дар аввали бозӣ гол занем, ки ин барои эътимоди мо муҳим буд.”- фишурдаи суханони Энрикеро BBC иқтибос овардааст.
Ёдовар мешавем, ки бозии ҷавобии дастаҳо рӯзи 7-уми май дар шаҳри Париж баргузор мешавад.
Манбаъ: Варзиш-ТВ
Нет комментариев