Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо мақсади расонидани хизмати ройгони тиббӣ ба аҳолӣ маъракаи «Корвони саломатӣ» ба роҳ мондааст. Дар доираи он сокинони шаҳрҳои Хуҷанд ва Конибодоми вилояти Суғд аз ҷониби табибони ботаҷриба ба ташхис ва муоинаи ройгон фаро гирифта шуданд, иттилоъ доданд ба АМИТ «Ховар» дар маркази матбуоти Вазорати тандурустии ва ҳифзи иҷтимоии аҳолии мамлакат.
Вазорати тандурустӣ ва ҳифзи иҷтимоии аҳолӣ дар ҳамкорӣ бо шарикон оид ба рушд, нақлиёти сайёри тиббӣ дастрас намуд, ки онҳо дорои дастгоҳҳои зарурӣ, аз ҷумла таҷҳизоти рентгенӣ, ташхисӣ, стоматологӣ, кардиологӣ ва дигар лавозимоти зарурии тиббӣ мебошанд.
Бо истифода аз нақлиёти махсуси сайёр сокинони дигар шаҳру навоҳии вилояти Суғд низ марҳила ба марҳила ба ташхис ва муоинаи ройгон фаро гирифта мешаванд.
Манбаъ: АМИТ «Ховар»
Нет комментариев