Ҷамила Байдуллоева, масъули Маркази обуҳавошиносии Тоҷикистон, имрӯз, 19 январ зимни нишасти матбуотӣ дар Душанбе эълон кард, ки зимистони имсола то охир гарм хоҳад буд.
Байдуллоева изҳор дошт, ки якҷоя бо обуҳавошиносони Русия пешгӯӣ карда буданд, ки моҳи январ дар Тоҷикистон нисбатан хунук хоҳад омад, аммо ин пешгӯияшон хато баромад. Ӯ илова намуд, ки январ то охир ва моҳҳои февралу март нисбати меъёри муқаррарӣ гармтар хоҳанд шуд.
Ба иттилои Маркази обуҳавошиносии Тоҷикистон танҳо дар бархе аз минтақаҳои Бадахшон ва навоҳии куҳии кишвар боришоти барфу борон дар назар дошта шудааст: “Дар маҷмуъ зимистони имсола гарм хоҳад буд”.
Нет комментариев