Имрӯз, 5-уми декабр дар Варзишгоҳи марказии ҷумҳуриявии шаҳри Душанбе бозии даври ниҳоии марҳилаи гурӯҳии Лигаи қаҳрамонҳои КФО-2023/24 дар чаҳоргонаи «Е» байни бошгоҳҳои «Истиқлол» -и Тоҷикистон ва «Ал-Наср» -и Арабистони Саудӣ доир мешавад. Вохӯрӣ соати 21:00 оғоз гардида, тавассути шабакаи “Варзиш” мусақим намоиш дода мешавад.
Аз тамоми мухлисон хоҳиш мекунем, ки барои бидуни мамониат вориди майдон шудан, барвақттар, чор соат пеш аз оғози бозӣ – соати 17:00 ба варзишгоҳ ҳозир шаванд.
Ёдовар мешавем, ки ҳоло дар ҷадвали гурӯҳи “Е” дастаи “Ал-Наср”-и Арабистони Саудӣ бо 13 имтиёз дар мақоми аввал аст. “Персеполис” бо 8 имтиёз дар зинаи дуюм қарор дорад. “Истиқлол” бо ду имтиёз дар зинаи охир ва “Ал-Дуҳайл” бо 4 имтиёз дар зинаи сеюм аст.
Манбаъ: Варзиш-ТВ
Нет комментариев