Ширкати Google менссенҷери донои Allo тобистонро набаровард, чуноне, ки ваъда карда буд. Бо ин рафтори худ ширкат таваҷҷӯҳро нисбатин ин навгонӣ коста гардонид. Намоиши ин замима танҳо санаи 21-уми сентябр баргузор гардид, вале ҳоло на ҳама давлатҳо соҳиби ин замимаи нав шуданд.
Афзалияти асосии замимаи Allo ин истифодашавии овози ёрирасони Google assistant ва омӯзонаки автоматикӣ мебошад. Мессенҷер паёмакҳои Шуморо таҳлил намуда, қобилият дорад, ки аз матни гуфтугӯиятон вариантҳои ҷавоби худро барои интихоб баҳратон пешкаш намояд. Муттасссифона ҳоло ин функтсия бо забони русӣ дастрас нест.
Мессенҷер инчунин дорои Expressions, яъне монанди эмодиҳо ва стикерҳо мебошад. Тариқи месенджери мазкур расм кашидан ва суратҳо фиристодан низ мумкин аст. Инчунин ҳаҷми мантро тавассути гаваккаш зуд тағйир додан мешавад. Он боз дорои реҷаи incognito мебошад, ки рамзикунонии пинҳониро дастгирӣ менамояд, яъне пинҳон кардани воридшавии огоҳиномаҳо ва махдуд намудани мӯҳлати нигаҳдоришавии мукотибот мебошад.
Барои фаъолгардонии замимаи мазкур танҳо рақами телефони мобилӣ лозим асту халос. Барои ин пайвастшавӣ ба сабти ҳисоботии Google ҳатмӣ нест.
Нет комментариев