Боғи ҳайвоноти Душанбе — дар ноҳияи Синои шаҳри Душанбе, дар маркази пойтахт назди дарёи Варзоб воқеъ аст.
Боғи ҳайвонот соли 1961 таъсис шуда ҳамун замон майдони он 1,5 гектарро ташкил мекард. Соли 2004 масоҳати майдони он ба 6 гектар расидааст, аз он 4 гектарро экспозитсияи ҳайвонот обанбор ва биноҳои хизматрасони ташкил медоданд. Шумораи намудҳои ҳайвонот аз 41 то 384 ва саршумориашон аз 121 то 2524 адад зиёд шудааст.
Дар боғ намудҳои гуногугуни ҳайвонҳои ёбоӣ, пистондорон, сумдорҳо, хазанда ва паранда, моҳиҳо барои намоиш гузошта шудаанд. Саҳни майдони боғ бо дарахту буттаҳои гуногун оро дода шудааст. Барои кӯдакон якчанд гулгашти зебо ва иншоотҳои хурди дилхуши сохта шудаанд.
Боғ яке аз ҷойҳои истироҳати волидайну кӯдакон ва сокинони шаҳр гардидааст. Раёсат маблағи зиёде надорад, ки якчанд ҳайвонҳои гуногунеро харидорӣ намояд. Панҷараҳои боғ кайҳо боз фарсуда шудаанд. Дар назар ҳаст, ки боғ азнавсозӣ карда шавад.
Нет комментариев