«Реал Мадрид» дар бозии даври 29-уми сентябр бо дастаи «Атлетико Мадрид» бо ҳисоби 1:1 бозиро мусовӣ анҷом дод. Ин 40-умин бозии пайдарпай дар Ла Лига аст, ки “Реал Мадрид” дар он мағлуб нашудааст. Бошгоҳи шоҳонаи ҳамаи ин 40 бозиро таҳти роҳбарии сармураббӣ Карло Анчелотти гузарондааст.
Мутахассиси итолиёвии 65 сола аввалин мураббӣ дар таърихи Ла Лига гардид, ки дар 40 бозӣ дастааш ноком нагардидааст. Дар ин бора StatMuse FC дар шабакаи иҷтимоии X (қаблан Twitter) хабар додааст.
Ёдовар мешавем, ки дар дидор Эдер Милитао ҳисобро боз кард. Дар дақиқаи 90+5-ум Анхел Корреа ба дарвозаи «Атлетико» гол зад. Аз сабаби халалдор шудани мухлисони маҳаллӣ бозӣ 20 дақиқа қатъ карда шуда буд.
Ҳоло «Реал» бо 18 имтиёз дар ҷадвали чемпионати Испания дар ҷои дуюм аст. Мадридиҳо аз “Барселона”-и пешсаф се имтиёз кам доранд. «Атлетико» бо 16 имтиёз дар ҷои сеюм аст.
Манбаъ: Варзиш-ТВ
Нет комментариев