Бахшида ба ҷашни Ваҳдати миллӣ дар шаҳри Истаравшани вилояти Суғд дар мавзеи таърихии Қалъаи Муғ сохтмони амфитеатр бо 5 ҳазору 100 ҷойи нишаст ба роҳ монда шудааст.
Тавре аз шуъбаи иттилоотии Вазорати фарҳанги ҷумҳурӣ иттилоъ доданд, барои сазовор ҷашн гирифтани Ваҳдати миллӣ Қалъаи Муғ пурра таъмиру тармим гардида, деворҳои даромади арки қалъа бо инъикоси лаҳзаҳои захмӣ гардидани Искандар, давраи ориёӣ, нақше аз Рустам, ободкориҳои ӯ ва аксҳои қаҳрамонҳои шуҷоъ, ки дар набардҳо бо аҷнабиён аз ҷумла мақдуниҳо, туркҳо, муғулҳо мубориза бурдаанд, тасвир ёфтаанд.
Инчунин Қалъаи Муғ чун маркази сайёҳӣ, фарҳангиву фароғатӣ омода шуда, гирду атрофи он бо дарахтони ороишиву сояафкан оро дода мешавад.
Манбаъ: Сомонаи АМИТ «Ховар»
Нет комментариев