1 июни соли равон дар қаламрави вилояти Суғд Рӯзи байналмилалии ҳифзи кӯдакон таҷлил карда мешавад. Дар ин бора қарори Раиси вилояти Суғд аз 10 майи соли 2019, № 224 ба тасвиб расид.
Дар асоси қарори мазкур нақшаи чорабиниҳо ва ҳайати кумитаи тадорукот тасдиқ гардида, роҳбарони шуъбаву раёсатҳои Мақомоти иҷроияи ҳокимияти давлатии вилоят ва раисони шаҳру ноҳияҳо ҷиҳати дар сатҳи баланд гузаронидани Рӯзи байналмилалии ҳифзи кӯдакон вазифадор шудаанд.
Бахшида ба ин сана ташкили озмуни иншои беҳтарин дар мавзӯи «Ҳуқуқҳои худро меомӯзем», аксияи вилоятии «Ба кӯдакон муносибати ғамхорона мебояд», мусобиқаҳои гуногуни варзишӣ, аёдати кӯдакони ятиму бепарастор ва имконияташон маҳдуд ба нақша гирифта шудааст.
Манбаъ: Хадамоти матбуоти Раиси вилояти Суғд
Нет комментариев