Корхонаи давлатии истифодабарии манзили соҳили чапи шаҳри Хуҷанд бобати иҷрои қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2024-2025» 730 метри мураббаъ боми биноҳои истиқоматиро таъмир намуд. Дар ин хусус ба АМИТ «Ховар» дар хадамоти матбуоти Раиси вилояти Суғд хабар доданд.
Дар тавозуни ин корхона 163 бинои баландошёна қарор дорад. То имрӯз бо мақсади дар сатҳи зарурӣ гузаронидани фасли зимистон боми якчанд бинои баландошёна таъмир шуда, таҷдиди бомҳои боқимонда идома дорад.
Ҳамзамон барои таъмири намои берунии биноҳо, оинабандии даромадгоҳҳо ва тоза озод нигоҳ доштани кӯчаю муҳити зист корҳо идома доранд.
Манбаъ: АМИТ Ховар
Нет комментариев