Имрӯз дар Филармонияи давлатии Тоҷикистон ба номи А. Ҷӯраев, воқеъ дар шаҳри Душанбе, нахустнамоиши филми ҳунарии «Тангно» баргузор мегардад.
Филми мазкурро ҳайати эҷодии Муассисаи давлатии Суғдсинамо ба номи Комил Ёрматов аз рӯи асари «Тангнои гетӣ» -и нависандаи маҳбуби тоҷик Сорбон ба навор гирифтааст.
Филм асосан дар зодгоҳи нависанда — деҳаи Амондараи шаҳри Панҷакент ва қисман дар шаҳри Москва сабт гардидааст.
Нақши марказии филмро Муҳаммадшариф Раҳматуллоев офаридаааст. Ҳамчунин ҳунармандон Раҷабгул Қосимова, Аҳлиддин Шарифов, Бунёд Комилов ва Сурайё Ҳакимова низ аз чеҳраҳои марказии ин филм мебошанд.
Ба иттилои Дилошуб Орифзода, продюссери “Суғдсинамо”, филми мазкур санаи 11 сентябр дар шаҳри Хуҷанд, 12 сентябр дар шаҳри Конибодом ва 14 сентябр дар шаҳри Панҷакент намоиш дода мешавад.
Манбаъ: сомонаи расмии МИҲД-и вилояти Суғд
Нет комментариев