Дар доираи бозиҳои марҳилаи ҳаштякниҳоии Лигаи Чемпионҳо дастаҳои “Реал Мадрид” ва “Атлетико Мадрид” ба ҳам омаданд. Вохӯрии дастаҳо дар варзишгоҳи бошукуҳи “Сантяго Бернабеу”-и шаҳри Мадриди Испания дар ҳузури 77 261 нафар мухлис баргузор шуд. Бозиро ҳайати доварони фаронсавӣ бо роҳбарии Клемент Тюрпен ҳакамӣ карданд. Вохӯрӣ ба ҳисоби 2 бар 1 ба фоидаи “Реал Мадрид” анҷом ёфт.
Дар дақиқаи 4-уми бозӣ Родрико аз паси головари Федерико Валверде истифода намуда, ҳисобро боз кард. Дар дақиқаи 32-юми бозӣ Хулиан Алварес бо голи зебои худ, таносубро баробар намуд.
Голи ғалабаоварро барои “Реал Мадрид” дар дақиқаи 55-уми бозӣ Браҳим Диас ба самар расонид. Паси головарро Ферлан Менди анҷом дод.
Ин бозии 10-уми дастаҳо дар Лигаи Чемпионҳо буд. Дар ин бозиҳои байнихуди 6 ғалаба ба фоидаи “Реал”, 2 ғалаба ба фоидаи “Атлетико” ва 2 натиҷаи мусовӣ ба қайд гирифта шудааст.
Ҳамчунин, ин бозӣ барои “Реал” бозии ҷашнӣ буд, зеро онҳо бозии 500-уми худро дар мусобиқаҳои аврупоӣ анҷом доданд. Дар ин ҳисоб “Реал Мадирд” 301 ғалаба, 85 мусовӣ, 113 бохт ва 15 ҷоиза дорад.
Бозии ҷавобии дастаҳо рӯзи 12-уми март дар варзишгоҳи “Метрополитано”-и шаҳри Мадрид баргузор мегардад. Пас аз натиҷаи бозии ҷавобӣ маълум мешавад, ки кадом даста ба даври чаҳорякниҳоӣ роҳ меёбад.
Манбаъ: Варзиш-ТВ
Нет комментариев