Бошгоҳи “Ювентус” дар сомонаи расмиаш аз тарк кардани Алваро Мората ва Федерико Бернардески хабар дод.
“Барори кор дар оянда, Алваро! Ташаккур барои ҳама!» — дар сомонаи расмиаш бошгоҳи шаҳри Турин гуфтааст.
Дар давоми ду мавсими охир дар «Ювентус» Мората дар 67 бозӣ ширкат карда, 20 гол зада, Ҷоми Италияро ба даст овардааст.
Шартномаи ҳамлагар бо “Атлетико Мадрид” то 30 –юми июни соли 2023 ба охир мерасад. Ӯ дар ҳайати туриниҳо ба таври иҷора бозӣ мекард.
Ҳамчунин бошгоҳи «Ювентус» аз рафтани Бернардески ҳам дар саҳифаи расмиаш хабар дод. Ниммуҳофизатгар пас аз 5 сол ҳамчун агенти озод тарки бошгоҳ кард. Федерико бо бошгоҳи “Ювентус” 3 маротиба қаҳрамони Италия ва ду маротиба Ҷом ва Суперҷоми Италияро ба даст овардааст.
Футболбози 28 сола дар ҳайати бошгоҳи туринӣ 183 бозӣ гузаронида, 12 гол ва 20 ирсоли головар аноҷом додааст.
Манбаъ: Варзиш-ТВ
Нет комментариев