Ҳусния, як донишҷӯи Донишгоҳи миллии Тоҷикистон 3 ҳазор сомонии “Агроинвестбонк”-ро дигарбора баргардондааст.
Ҳамкурсони Ҳусния Наврӯзова, ки дар курси дуюми факултаи журналистикаи ДМТ таҳсил мекунад, мегӯянд, дар “Агроинвестбонк” ба ҷои 300 сомонӣ ба ӯ 3 ҳазор сомонӣ додаанд.
Ҳусния Наврӯзова нақл кардааст, ки 27-уми март барои гирифтани маблағ, ки падараш равон кардааст, ба филиали “Агроинвестбонк” воқеъ дар назди бозори “Варзоб” меравад. Маблағро гирифта, дар ошхонае ҳисоб мекунад, ки 3 ҳазор сомонӣ аст.
Ҳамсабақонаш мегӯянд, ӯ ба падараш занг мезанад, падараш гуфтааст, ки 300 сомонӣ равон кардааст. Падар тавсия медиҳад, ки маблағи изофиро ба бонк баргардонад. Ҳамин тавр ин донишҷӯдухтар маблағи мазкурро дигарбора ба бонк баргардондааст.
Манбаъ: http://www.tojnews.tj
Нет комментариев