Бо пешниҳоди ҳукумати мамлакат имрӯз, 25 июн палатаи поёни парлумони Тоҷикистон ба Буҷети давлатии кишвар барои соли 2015 тағйирот ворид намуд, ки мутобиқи он ширкати Tabian Apparatus Stoc Co. (ТВЕА) барои сохтмони 5 мактаби таҳсилоти умумӣ дар минтақаҳои гуногуни ҷумҳурӣ ва 20 километр роҳ дар ноҳияи Данғара аз пардохти андоз аз арзиши иловашуда (ААИ), андоз аз даромад ва андоз аз истифодаи роҳҳо ва боҷи гумрукӣ озод карда шуд. Зимни суханронӣ назди вакилон доир ба ин масъала муовини вазири молияи Тоҷикистон Меҳринамо Ҷонмаҳмадова изҳор дошт, ки ширкати чинӣ ба сифати иқдоми хайрия (ҳадя) дар шаҳри Душанбе, ноҳияҳои Рӯдакӣ, Ваҳдат, Файзобод ва Данғара ба маблағи умумии 80 млн. сомонӣ мактабҳо сохта, барои сохтмони 20 километр роҳ беш аз 79 млн. сомонӣ маблағ хароҷот мекунад. Зимнан зикр гардид, ки маблағи умумие, ки аз ин ҳисобба буҷети давлатӣ ворид намешавад, 17,6 млн. сомониро ташкил медиҳад. Дар ин бора news.tj хабар медихад.
4 корманди прокуратураи вилоят аз вазифа озод карда шуданд
Прокурори вилояти Суғд Ҳабибулло Воҳидов зимни нишасти хабарӣ, ки дирӯз, дар идораи ин ниҳод доир гардид, гуфт миёни 143 кормандони прокуратураи вилоят атестатсияи ғайринавбатӣ гузаронида ...
Нет комментариев