Дар Муассисаи давлатии «Маркази ҷумҳуриявии дарёфт ва рушди истеъдодҳо»-и Вазорати маориф ва илми Ҷумҳурии Тоҷикистон даври интихобии Олимпиадаи 21-уми байналмилалии «IJSO-2024» аз фанҳои табиатшиносӣ баргузор гардид. Дар ин хусус ба АМИТ «Ховар» дар Вазорати маориф ва илми Ҷумҳурии Тоҷикистон хабар доданд.
Дар олимпиада 24 нафар аз муассисаҳои таҳсилоти миёнаи умумии ҷумҳурӣ иштирок намуда, 6 хонандаи беҳтарин ба даври ниҳоии олимпиада роҳхат гирифт.
Дар даври ниҳоии Олимпиадаи 21-уми байналмилалии «IJSO-2024» аз фанҳои табиатшиносӣ, ки аз 2 то 12 декабри соли 2024 дар шаҳри Бухарести Ҷумҳурии Руминия баргузор мегардад, аз Тоҷикистон 6 нафар ғолибони даври интихобӣ иштирок менамоянд.
Ёдовар мешавем, ки Олимпиадаи байналмилалии «IJSO-2024» аз соли 2004 то инҷониб доир гардида, дар он ҳамасола намояндагони қариб 70 давлати ҷаҳон иштирок менамоянд.
Хонандагони тоҷик дар ин сабқати илмии сатҳи баланд аз соли 2009 инҷониб иштирок дошта, сазовори ҷойҳои намоён гардидаанд.
Манбаъ: АМИТ Ховар
Нет комментариев