Дар шаҳри Хуҷанд, маркази вилояти Суғд барои беҳтар намудани шароити зист ба 120 нафар сокинон қитъаҳои замини назди ҳавлигӣ ҷудо карда шуд.
Ба 64 нафар сокинон аз маҳаллаи 26-ум ва ба 56 нафари дигари эҳтиёҷманд бошад аз маҳаллаи навбунёди шаҳр — маҳаллаи 14-ум қитъаҳои замин ҷудо карда шуд.
Ба сокинон раиси шаҳри Хуҷанд санади ҳуқуқиро супорида, таъкид намуд, ки шаҳрвандони соҳиби манзилгашта бояд сохтмонҳои ҷавобгӯи талаботи имрӯзаи меъморию шаҳрсозиро ба нақша гиранд.
Лозим ба ёдоварист, ки тақсимоти замин тибқи хулосаи комиссияи ҷамъиятӣ, ки дар назди Мақомоти иҷроияи ҳокимияти давлатии шаҳри Хуҷанд амал мекунад, ҷудо карда шуда, шаҳрвандон дар асоси рӯйхати мавҷудаи эҳтиёҷмандони беҳтар намудани шароити манзил соҳиби замин мешаванд.
Дар ин бора sugd.tj хабар медиҳад.
Нет комментариев