Бо дарназардошти саҳми кормандони васоити ахбори оммаи вилоят дар бунёди давлати демократӣ, ҳуқуқбунёд, дунявӣ ва ягона, тарғибу ташвиқи ғояҳои Истиқлолият санаи 11 март дар вилояти Суғд Рӯзи матбуот ҷашн гирифта мешавад.
Дар ин бора қарори Раиси вилояти Суғд аз 29 январи соли 2016, №47 ба тасвиб расид.
Тибқи ин қарор раисони шаҳру навоҳии вилоят вазифадор мешаванд, ки иди касбии рӯзноманигорон ва коркунони муассисаҳои табъу нашрро дар сатҳи баланд таҷлил намуда, барои дастгирии моддиву маънавии нашрияҳои маҳаллӣ, рӯзноманигорон, кормандони матбааҳо ва собиқадорони матбуот тадбирҳои амалӣ андешанд.
Дар доираи таҷлили Рӯзи матбуот ташкили мулоқоту нишастҳо, аёдати собиқадорон, баргузор кардани озмуни журналистон барои дарёфти Ҷоизаи вилоятии рӯзноманигорон ба номи Ҳоҷӣ Содиқ ба нақша гирифта шудааст.
Дар ин бора Хадамоти матбуоти Раиси вилояти Суғд хабар медиҳад.
Нет комментариев