Вакилони палатаи поёнии Парлумони Тоҷикистон дар асоси дастури Маҷлиси намояндагони Маҷлиси Олии Ҷумҳурии Тоҷикистон шурӯъ аз 7 январи соли равон ба минтақаҳои мамлакат -вилоятҳои Суғду Хатлон, Бадахшон ва ноҳияҳои тобеи ҷумҳурӣ сафар менамоянд. Дар ин хусус ба АМИТ «Ховар» аз палатаи поёнии Парлумони мамлакат иттилоъ доданд.
Интизор меравад, ки вакилони Маҷлиси намояндагон давоми даҳ рӯз дар назди интихобкунандагон Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистонро тавзеҳ диҳанд.
Инчунин доир ба санадҳои меъёрию ҳуқуқие, ки Парлумони мамлакат қабул кардааст ва масъалаҳои сиёсати дохилию хориҷӣ, молиявӣ ва рушди соҳибкорӣ дар мамлакат табодули назар сурат мегирад.
Манбаъ: АМИТ «Ховар»
Нет комментариев