Сӯзишвории ройгон ба оилаҳои ниёзманд.
Ҳокимияти маҳаллии шаҳри Хуҷанд баҳри дастгирии аҳолии ниёзманд ҳамаҷониба тадбирҳои амалӣ меандешад. Тавре ки аз дастгоҳи раиси шаҳр иттилоъ доданд, шахсони бесарпаноҳмонда, камбизоат ва ниёзманд ҳамеша зери таваҷҷуҳи мақомоти иҷроияи ҳокимияти давлатии шаҳри Хуҷанд қарор доранд. Мувофиқ ба маълумоти манбаъ ва мутобиқ бо супориши раиси шаҳри Хуҷанд Раҷаббой Аҳмадзода баҳри таъмин намудани ин табақаи эҳтиёзманди шаҳр бо сӯзишворӣ дар фасли сардӣ аз ҳисоби мақомоти шаҳр ба 36 оилаи камбизоату бесарпаноҳмонда ва иштирокчии Ҷанги Бузурги Ватанӣ ангиштсанг ройгон тақсим гардид.
Гуфта мешавад, ки то имрӯз бо назардошти талаботи оилаҳои мазкур дар мавсими сардӣ зиёда аз 10 тонна ангишт тақсим шудааст.
Дар ин бора аз хадамоти матбуотии Раиси шаҳри Хуҷанд иттилоъ медиҳанд.
Нет комментариев