Дар доираи иқдоми хайрхоҳонаи «Аёдати Рамазонӣ» чанде пеш 300 нафар сокинони ниёзманди ҷамоати деҳоти Оббурдони ноҳияи Мастчоҳ бо дастгирии соҳибкори хайрхоҳ Аъзамҷон Валиев аёдат карда шуда, ба онҳо маводи ғизоӣ тақдим шуд.
Зимни тақдими тӯҳфаҳо таъкид гардид, ки дасти сахову мадад дароз кардан ба афроди ниёзманду ашхоси маълул махсусан дар моҳи шарифи Рамазон аз фазилатҳои неки инсонӣ буда, аҷру подоши зиёд дорад. Ҳамчунин, таъкид карда шуд, ки чунин иқдомҳои хайрхоҳона аз ташаббусҳои Пешвои миллат мӯҳтарам Эмомалӣ Раҳмон сарчашма мегиранд, ки ҳамеша ба афроди ниёзманд дасти хайру мадад дароз мекунанд.
Барои аёдати рамазонии 300 нафар афроди ниёзманди ҷамоати деҳоти Оббурдон дар маҷмуъ ба миқдори 40 000 сомонӣ масраф гардид.
Манбаъ: http://sugd.tj/
Нет комментариев