Аз ҷониби кормандони Муассисаи давлатии «Академияи воситаҳои ахбори оммаи Тоҷикистон» дар шимоли мамлакат — шаҳру ноҳияҳои вилояти Суғд миёни сокинон доир ба муҳтавои барномаҳои шабакаҳои радио, телевизион ва маводи нашрияҳои мамлакат назарсанҷӣ гузаронида шуд.
Аз «Академияи ВАО-и Тоҷикистон» ба АМИТ «Ховар» иттилоъ доданд, ки ҳадафи мониторинг- омода намудани тавсияҳо барои беҳтар гардидани барномаҳои радио, телевизион ва маводи рӯзномаҳо мебошад. Интизор меравад, ки чунин назарсанҷиҳо давоми соли 2018 дар ноҳияҳои тобеи марказ, вилояти Хатлон ва Вилояти Мухтори Кӯҳистони Бадахшон гузаронида шаванд.
Мавриди зикр аст, ки Муассисаи давлатии «Академияи ВАО-и Тоҷикистон» моҳи марти соли 2016 таъсис дода шуда, рисолаташ такмили ихтисос ва бозомӯзии касбии кормандони ВАО-и Ҷумҳурии Тоҷикистон аст.
Манбаъ: АМИТ «Ховар»
Нет комментариев