Имрӯз, 22-юми декабр кормандони эҷодӣ ва техникии ҶДММ ШТРР «Тироз» ҷамъ омада, бо рӯҳияи баланди сиёсӣ Паёми Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмонро ба Маҷлиси Олии Ҷумҳурии Тоҷикистон, ки мустақиман аз тамоми шабакаҳои телевизион ва радиоҳои давлатӣ пахш гардид, тамошо ва бо диққат гӯш карданд.
Паёми имсолаи Пешвои миллат, ки фарогири соҳаҳои мухталифи кишвар буд, муждае неке аз ояндаи дурахшони кишвар аст. Он кормандони Ширкати «Тироз»-ро рӯҳбаланд намуд, то бо нерӯи даҳчанд барои пешравию рушди устувори Ватани азизамон кӯшиш ба харҷ диҳанд. Паёми имсолаи Президент дар бораи самтҳои асосии сиёсати дохилӣ ва хориҷии мамлакат баъди ҷашни 25-солагии Истиқлолияти давлатии Ҷумҳурии Тоҷикистон, яъне дар даврае пешниҳод гардид, ки кишвари азизи мо ба марҳалаи нави рушд ворид гардида, мардуми шарифи Тоҷикистон ба сӯи ояндаи ободу осуда бо қадамҳои устувор пеш меравад.
Таъмин намудани шароит барои зиндагии арзандаи сокинони кишвар ҳадафи олии давлат ва Ҳукумати мамлакат мебошад. Кормандони ҶДММ ШТРР «Тироз» низ бо бардошти тоза аз ҳар як нуктаи Паёми Президенти кишвар мӯҳтарам Эмомалӣ Раҳмон онро сармашқи кори худ мегардонанд.
Нет комментариев