Тибқи маълумоти Вазорати кишоварзии Ҷумҳурии Тоҷикистон, то 5 ноябр дар мамлакат беш аз 691 ҳазор тонна картошка ҷамъоварӣ гардидааст, ки нисбат ба ҳамин давраи соли гузашта 144 ҳазор тонна зиёд мебошад. Дар ин бора АМИТ «Ховар» бо истинод ба шуъбаи матбуот ва иттилооти Вазорати кишоварзии мамлакат хабар медиҳад.
То санаи зикршуда дар майдони 34 182 гектар кишти картошка гузаронида шудааст, ки нисбат ба ҳамин давраи соли гузашта 1921 гектар зиёд мебошад.
Ба иттилои Вазорати кишоварзӣ, деҳқонони вилояти Суғд дар ҷамъоварии картошка саҳми назаррас гузошта, то ин муддат беш аз 340 ҳазор тонна картошка ҷамъоварӣ намудаанд.
То имрӯз дар вилояти Хатлон беш аз 108 ҳазор тонна, ВМКБ 179 ҳазор тонна ва дар навоҳии тобеи ҷумҳурӣ 224 ҳазор тонна картошка ҷамъоварӣ гардидааст.
Манбаъ: АМИТ «Ховар»
Нет комментариев